Meri Maa

Love you Maa, A Very Happy Mother's Day!!!
I know, not a single day can define your dignity, when each moment of every passing day reminds me of your very existence in my life……
It’s just a message of gratitude to your greatness- unparalleled and unmatched, which I could realise after so long, when I blessed with my son……
But still I think, I don’t know all those things, what you have done for me……

 Meri Maa

 Mujhe pyaar hai apni is zindagi se-
Jise meri Maa ne mujhe diaa hogaa,
mujhe iss duniyaa mein
laane kaa zariaa bankar
na jaane usne
kitnaa kasht sahaa hogaa…..

Mujhe pyaar hai apne iss astitva se-
jise banaane mein meri Maa ne
zindagi ke kitne anmol pal
nyochhaavar kiyaa hogaa,
na jaane kitne vyast din
aur jagrat raatein bitaayaa hogaa…..

Mujhe pyaar hai apni in aankhon se-
jisne sabse pahale
Maa kaa darshan karne ke liye
vyaakul hua hogaa,
uski pyaari si surat ki ek jhalak se
khushi se chamak uthaa hogaa…..

Mujhe pyaar hai apne in hothon se-
jo Maa ke komal haath ke
sparsh se santushti se
muskaraayaa hogaa,
na jaane kab use achaanak se
Maa kah kar bulaayaa hogaa…..

Mujhe pyaar hai apni iss jihvaa se-
na jaane issne
Maa ke bakshya se
kitne madhur amrit
paan kiyaa hogaa,
aur jeene kaa aadhaar paayaa hogaa…..

Mujhe pyaar hai apne in pairon se-
jinhen mazboot karne ke liye meri Maa ne
kitne pyaar se maalish kiyaa hogaa,
aur zindagi mein
satmarg mein chalne kaa
paavan mantra diyaa hogaa…..

Mujhe pyaar hai apni in sabhi ungliyon se-
na jaane Maa ne mujhe
kaunsi ungli pakad kar
girne se bachaayaa hoga,
aur ladkhadaate pairon se
chalnaa sikhaayaa hogaa…..

Mujhe pyaar hai apne in haathon se-
na jaane Maa ne kabhi mujhe inse
pyaar se aalingan karna
sikhaayaa hogaa,
inse satkarm karne kaa bhi zaroor
salaah diyaa hogaa…..

Mujhe pyaar hai apne in kaano se-
na jaane Maa ne mujhe
nidra-anidra, khushi-gum
vyast tathaa khaali samay mein
sukoon ki neend sone ke liye
kitni loriyaan sunaayaa hogaa…..

Mujhe pyaar hai apni iss naak se-
jise Maa ne apne
garbh mein hi apni saans se
saans lenaa sikhaaya hogaa,
zindagi mein jeene kaa
raah dikhaayaa hogaa…..

Mujhe pyaar hai apne in sanskaaron se-
na jaane Maa ne meri
apni mamtaa ki chhaanv mein
kitne pyaar se inhe
sanjoyaa aur sanvaaraa hogaa,
zindagi ki gahari sachchaaee bataaayaa hogaa…..

Chir vandini,
meri pyaari janani!
usko nahin dekha kabhi maine
par uski zaroorat kya hogi?
Ai Maa! Teri soorat se alag
Bhagwaan ki moorat kya hogi???